| ᠡᠭᠦᠳᠦᠭ ᠤᠨ ᠦᠶᠡ ᠶᠢᠨ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠪᠠ ᠲᠡᠭᠦᠨ ᠤ ᠱᠠᠲᠤ ᠦᠶᠡ ᠶᠢᠨ ᠴᠢᠨᠠᠷᠲᠠᠢ ᠡᠮᠴᠢᠯᠡᠭᠡ ᠶᠢ | ᠬᠡᠷᠬᠢᠨ ᠣᠶᠢᠯᠠᠭᠠᠬᠤ ᠪᠤᠢ︖ | | ᠡᠪᠦᠳᠦᠭ ᠤᠨ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠪᠣᠯ ᠮᠠᠨ ᠤ ᠮᠠᠯᠵᠢᠬᠤ ᠣᠷᠣᠨ ᠤ ᠬᠥᠮᠥᠰ ᠲᠤ ᠤᠯᠠᠨ | ᠲᠣᠬᠢᠶᠠᠯᠳᠤᠳᠠᠭ ᠣᠷᠣᠨ ᠨᠤᠲᠤᠭ ᠤᠨ ᠴᠢᠨᠠᠷᠲᠠᠢ ᠡᠪᠡᠳᠴᠢᠨ ᠪᠣᠯᠣᠨᠠ᠃ ᠳᠡᠭᠡᠪᠡᠯ ᠡᠨᠡ ᠬᠦ ᠡᠪᠡᠳᠴᠢᠨ ᠢ ᠬᠡᠷᠬᠢᠨ | ᠰᠡᠷᠭᠡᠶᠢᠯᠡᠬᠦ᠂ ᠬᠡᠷᠬᠢᠨ ᠡᠮᠴᠢᠯᠡᠭᠡ ᠬᠢᠬᠦ ᠲᠤᠬᠠᠢ ᠰᠤᠷᠪᠤᠯᠵᠢᠯᠠᠬᠴᠢ ᠣᠶᠢᠷᠠ ᠳᠤ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ | ᠮᠣᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠤ ᠶᠠᠰᠤᠨ ᠤ ᠬᠤᠶᠠᠳᠤᠭᠠᠷ ᠰᠠᠯᠠᠭᠠᠨ ᠤ ᠭᠤᠣᠯᠯᠠᠭᠴᠢ ᠡᠮᠴᠢ ᠮᠡᠷᠭᠡᠨᠪᠢᠯᠢᠭ | ᠡᠮᠴᠢ ᠶᠢ ᠰᠤᠷᠪᠤᠯᠵᠢᠯᠠᠵᠤ ᠪᠢᠯᠡ᠃ | ᠰᠤᠷᠪᠦᠯᠵᠢᠯᠠᠬᠴᠢ᠄ ᠰᠠᠶᠢᠨ ᠪᠠᠶᠢᠨᠠ ᠤᠤ︖ ᠮᠠᠨ ᠤ ᠮᠠᠯᠵᠢᠬᠤ ᠣᠷᠣᠨ ᠤ ᠬᠥᠮᠥᠰ ᠲᠤ ᠤᠯᠠᠨ ᠲᠣᠬᠢᠶᠠᠯᠳᠤᠳᠠᠭ | ᠡᠪᠦᠳᠦᠭ ᠤᠨ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠤ ᠲᠤᠬᠠᠢ ᠲᠠ ᠲᠠᠶᠢᠯᠪᠤᠷᠢᠯᠠᠭᠠᠳ ᠥᠭᠭᠦᠨᠡ ᠤᠤ︖ | ᠮᠡᠷᠭᠡᠨᠪᠢᠯᠢᠭ ᠡᠮᠴᠢ᠄ ᠰᠠᠶᠢᠨ ᠪᠠᠶᠢᠨᠠ ᠤᠤ︖ ᠶᠠᠷᠢᠯᠴᠠᠭᠠᠨ ᠤ ᠡᠬᠢᠨ ᠳᠤ ᠲᠠ ᠪᠦᠬᠦᠨ ᠳᠤ ᠪᠠᠨ ᠡᠪᠦᠳᠦᠭ ᠤᠨ | ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠤ ᠲᠤᠬᠠᠢ ᠲᠠᠨᠢᠯᠴᠠᠭᠤᠯᠭᠠ ᠬᠢᠶᠠ᠃ ᠮᠠᠨ ᠤ ᠤᠯᠠᠮᠵᠢᠯᠠᠯᠲᠤ ᠮᠣᠩᠭᠤᠯ ᠠᠨᠠᠭᠠᠬᠤ | ᠤᠬᠠᠭᠠᠨ ᠤ ᠤᠨᠤᠯ ᠳᠡᠭᠡᠷᠡ ᠡᠪᠦᠳᠦᠭ ᠤᠨ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠢ ᠶᠠᠰᠤ ᠦᠶᠡ ᠶᠢᠨ ᠰᠢᠷᠠ ᠤᠰᠤᠨ | ᠡᠪᠡᠳᠴᠢᠨ ᠳᠤ ᠬᠠᠷᠢᠶᠠᠯᠠᠭᠤᠯᠤᠨ ᠲᠠᠶᠢᠯᠪᠤᠷᠢᠯᠠᠳᠠᠭ᠃ ᠭᠤᠣᠯᠳᠠᠭᠤ ᠤᠷᠳᠤ ᠬᠤᠭᠤᠴᠠᠭᠠ ᠪᠠᠷ ᠴᠢᠭᠢᠭᠲᠡᠢ ᠭᠠᠵᠠᠷ | ᠠᠮᠢᠳᠤᠷᠠᠬᠤ ᠪᠠ ᠠᠵᠢᠯᠯᠠᠵᠤ ᠬᠥᠳᠡᠯᠮᠦᠷᠢᠯᠡᠬᠦ᠂ ᠬᠦᠢᠲᠡᠨ ᠳᠤ ᠳᠠᠭᠠᠷᠠᠬᠤ᠂ ᠬᠥᠯᠥᠷᠡᠭᠡᠳ ᠰᠠᠯᠬᠢ ᠵᠢᠪᠠᠷ ᠠᠪᠬᠤ᠂ | ᠪᠡᠷᠳᠡᠵᠤ ᠰᠢᠷᠬᠠᠲᠤᠬᠤ᠂ ᠪᠤᠯᠠᠩᠭᠢᠷ ᠬᠠᠯᠠᠭᠤᠨ ᠤ ᠤᠷᠬᠠᠭ ᠬᠡᠮ ᠬᠤᠴᠣᠷᠬᠤ ᠵᠡᠷᠭᠡ ᠶᠠᠪᠤᠳᠠᠯ ᠮᠥᠷ ᠤᠨ | ᠨᠥᠬᠦᠴᠡᠯ ᠠᠴᠠ ᠪᠣᠯᠵᠤ ᠰᠢᠷᠠ ᠤᠰᠤ ᠠᠷᠪᠢᠳᠤᠨ ᠪᠠᠳᠬᠠᠠ ᠴᠢᠰᠤ ᠲᠠᠢ ᠬᠢᠮᠤᠷᠠᠯᠳᠤᠵᠤ ᠦᠶᠡ ᠭᠡᠰᠢᠭᠦᠦ ᠪᠠ | ᠶᠠᠰᠤᠨ ᠳᠤ ᠣᠷᠣᠰᠢᠭᠠᠳ ᠬᠡᠢ ᠴᠢᠰᠤᠨ ᠤ ᠭᠦᠶᠦᠳᠡᠯ ᠢ ᠬᠠᠷᠰᠢᠯᠠᠭᠰᠠᠨ ᠠᠴᠠ ᠪᠣᠯᠵᠤ ᠦᠶᠡ ᠭᠡᠰᠢᠭᠦᠦ ᠬᠠᠪᠤᠳᠬᠤ᠂ | ᠡᠪᠡᠳᠬᠦ᠂ ᠬᠥᠳᠡᠯᠭᠡᠭᠡᠨ ᠨᠢ ᠬᠠᠷᠰᠢᠯᠠᠭᠳᠠᠬᠤ ᠵᠡᠷᠭᠡ ᠣᠨᠴᠠᠯᠢᠭ ᠪᠦᠬᠦᠢ ᠡᠪᠡᠳᠴᠢᠨ ᠪᠣᠯᠣᠨᠠ᠃ ᠡᠸᠦ᠋ᠷᠦᠫᠡ ᠡᠮᠨᠡᠯᠭᠡ | ᠳᠡᠭᠡᠷᠡ ᠳᠤᠰ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠢ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠶᠠᠰᠤᠵᠢᠯ ᠤᠨ | ᠴᠢᠨᠠᠷᠲᠠᠢ ᠦᠶᠡ ᠭᠡᠰᠢᠭᠦᠨ ᠤ ᠦᠷᠪᠢᠰᠦᠯ ᠭᠡᠵᠦ ᠦᠵᠡᠳᠡᠭ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠪᠠᠰᠠ ᠬᠡᠷᠡᠬᠦ ᠴᠢᠨᠠᠷᠲᠠᠢ ᠦᠶᠡ | ᠭᠡᠰᠢᠭᠦᠨ ᠤ ᠦᠷᠪᠢᠰᠦᠯ ᠪᠠᠶᠢᠳᠠᠭ᠃ ᠥᠨᠥᠳᠥᠷ ᠤᠨ ᠶᠠᠷᠢᠬᠤ ᠭᠡᠵᠦ ᠪᠠᠶᠢᠭᠠ ᠪᠣᠯ ᠡᠸᠦ᠋ᠷᠦᠫᠡ ᠡᠮᠨᠡᠯᠭᠡ ᠳᠡᠭᠡᠷᠡᠬᠢ | ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠶᠠᠰᠤᠵᠢᠯ ᠤᠨ ᠴᠢᠨᠠᠷᠲᠠᠢ ᠦᠶᠡ ᠭᠡᠰᠢᠭᠦᠨ ᠤ ᠦᠷᠪᠢᠰᠦᠯ ᠳᠠᠷᠤᠢ ᠡᠪᠦᠳᠦᠭ ᠤᠨ | ᠦᠶᠡ ᠶᠢᠨ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠪᠣᠯᠣᠨᠠ᠃ | ᠰᠤᠷᠪᠦᠯᠵᠢᠯᠠᠬᠴᠢ᠄ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠠᠯᠢ ᠨᠠᠰᠤᠨ ᠤ ᠬᠥᠮᠥᠰ ᠲᠤ | ᠢᠯᠡᠭᠦᠦ ᠲᠣᠬᠢᠶᠠᠯᠳᠤᠳᠠᠭ ᠪᠤᠢ︖ | ᠮᠡᠷᠭᠡᠨᠪᠢᠯᠢᠭ ᠡᠮᠴᠢ᠄ ᠡᠪᠦᠳᠦᠭ ᠤᠨ ᠦᠢ ᠠ ᠶᠢᠨ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠤ ᠲᠤᠬᠠᠢ ᠰᠤᠳᠤᠯᠭᠠᠨ ᠤ | ᠳ᠋ᠦᠩ ᠢ ᠢᠯᠡᠷᠬᠡᠶᠢᠯᠡᠭᠰᠡᠨ ᠢ ᠦᠨᠳᠦᠰᠦᠯᠡᠪᠡᠯ ᠨᠢᠭᠡ ᠳᠤ ᠳᠤᠮᠳᠠ ᠢᠳᠡᠷ ᠨᠠᠰᠤᠨ ᠤ ᠬᠥᠮᠥᠰ ᠲᠤ ᠠᠷᠪᠢᠨ | ᠲᠣᠬᠢᠶᠠᠯᠳᠤᠳᠠᠭ᠂ ᠬᠤᠶᠠᠷ ᠲᠤ᠂ ᠡᠮᠡᠭᠲᠡᠶᠢᠴᠦᠳ ᠤᠨ ᠡᠪᠡᠳᠴᠢᠯᠡᠬᠦ ᠨᠤᠷᠮᠠ ᠨᠢ ᠡᠷᠡᠭᠲᠡᠶᠢᠴᠦᠳ ᠠᠴᠠ ᠥᠨᠳᠥᠷ | ᠪᠠᠶᠢᠳᠠᠭ᠂ ᠡᠭᠦᠨ ᠳᠤ ᠴᠡᠪᠡᠷᠰᠢᠬᠦ ᠬᠤᠭᠤᠴᠠᠭᠠᠨ ᠤ ᠳᠠᠷᠠᠭᠠᠬᠢ ᠨᠠᠰᠤᠨ ᠤ ᠡᠮᠡᠭᠲᠡᠶᠢᠴᠦᠳ ᠤᠨ ᠡᠪᠡᠳᠴᠢᠯᠡᠬᠦ ᠨᠤᠷᠮᠠ | ᠨᠡᠩ ᠥᠨᠳᠥᠷ ᠪᠠᠶᠢᠳᠠᠭ᠃ ᠭᠤᠷᠪᠠ ᠳᠤ᠂ 60 ᠨᠠᠰᠤᠨ ᠠᠴᠠ ᠳᠡᠭᠡᠭᠰᠢᠬᠢ ᠬᠥᠮᠥᠰ ᠤᠨ ᠡᠪᠡᠳᠴᠢᠯᠡᠬᠦ ᠨᠤᠷᠮᠠ | 50% ᠳᠤ ᠬᠦᠷᠳᠡᠭ᠃ ᠳᠥᠷᠪᠡ ᠳᠤ᠂ 75 ᠨᠠᠰᠤᠨ ᠠᠴᠠ ᠳᠡᠭᠡᠭᠰᠢᠬᠢ ᠬᠥᠮᠥᠰ ᠤᠨ ᠡᠪᠡᠳᠴᠢᠯᠡᠬᠦ ᠨᠤᠷᠮᠠ ᠨᠢ | ᠨᠢᠭᠡᠨᠲᠡ 80% ᠳᠤ ᠬᠦᠷᠦᠭᠰᠡᠨ ᠪᠠᠶᠢᠳᠠᠭ᠃ ᠲᠠᠪᠤ ᠳᠤ᠂ ᠡᠪᠦᠳᠦᠭ ᠤᠨ ᠦᠢ ᠠ ᠶᠢᠨ ᠰᠢᠷᠠ ᠤᠰᠤᠨ | ᠡᠪᠡᠳᠴᠢᠨ ᠠᠴᠠ ᠰᠢᠯᠲᠠᠭᠠᠯᠠᠨ ᠵᠡᠮᠳᠡᠭᠰᠢᠷᠡᠬᠦ ᠨᠤᠷᠮᠠ 53% ᠳᠤ ᠬᠦᠷᠴᠦ᠂ ᠨᠢᠭᠡᠨᠲᠡ ᠬᠥᠮᠥᠰ ᠤᠨ | ᠵᠡᠮᠳᠡᠭᠰᠢᠷᠡᠬᠦ ᠶᠢᠨ ᠲᠡᠷᠢᠭᠦᠨ ᠰᠢᠯᠲᠠᠭᠠᠨ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ ᠰᠤᠷᠪᠦᠯᠵᠢᠯᠠᠬᠴᠢ᠄ ᠳᠡᠭᠡᠪᠡᠯ ᠡᠨᠡᠬᠦ | ᠡᠪᠡᠳᠴᠢᠨ ᠤ ᠡᠭᠦᠰᠦᠯᠲᠡ ᠶᠢᠨ ᠣᠨᠴᠠᠯᠢᠭ ᠶᠠᠮᠠᠷ ᠪᠠᠶᠢᠳᠠᠭ ᠪᠤᠢ︖ | ᠮᠡᠷᠭᠡᠨᠪᠢᠯᠢᠭ ᠡᠮᠴᠢ᠄ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠢ ᠡᠭᠦᠰᠬᠡᠬᠦ ᠭᠤᠣᠯ ᠰᠢᠯᠲᠠᠭᠠᠨ ᠪᠣᠯ᠄ | ᠬᠠᠮᠤᠭ ᠲᠡᠷᠢᠭᠦᠨ ᠳᠤ ᠨᠠᠰᠤ ᠵᠢᠯ ᠤᠨ ᠪᠠᠶᠢᠳᠠᠯ ᠢᠶᠠᠷ ᠠᠪᠴᠤ ᠬᠡᠯᠡᠪᠡᠯ ᠶᠠᠮᠠᠷᠪᠠ ᠲᠦᠷᠦᠯ ᠤᠨ ᠦᠶᠡ ᠭᠡᠰᠢᠭᠦᠨ ᠤ | ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠤ ᠡᠬᠦᠰᠬᠦ ᠨᠤᠷᠮᠠ ᠨᠢ ᠬᠥᠮᠥᠰ ᠤᠨ ᠨᠠᠰᠤ ᠵᠢᠯ ᠤᠨ ᠨᠡᠮᠡᠭᠳᠡᠬᠦ ᠶᠢ ᠳᠠᠭᠠᠯᠳᠤᠨ | ᠨᠡᠮᠡᠭᠳᠡᠳᠡᠭ᠃ ᠡᠪᠦᠳᠦᠭ ᠤᠨ ᠦᠢ ᠠ ᠶᠢᠨ ᠰᠢᠷ ᠠ ᠤᠰᠤᠨ ᠡᠪᠡᠳᠴᠢᠨ ᠤ ᠡᠭᠦᠰᠦᠯᠲᠡ ᠶᠢᠨ ᠠᠬᠢᠴᠠ ᠮᠠᠰᠢ | ᠤᠳᠠᠭᠠᠨ ᠪᠠᠶᠢᠳᠠᠭ᠃ ᠡᠭᠦᠨ ᠳᠤ ᠵᠢᠱᠢᠶᠡᠯᠡᠵᠦ ᠶᠠᠷᠢᠬᠤ ᠳᠤ ᠭᠠᠳᠠᠷ ᠰᠢᠷᠬᠠᠲᠤᠯ ᠠᠴᠠ ᠪᠣᠯᠵᠤ ᠡᠭᠦᠰᠦᠭᠰᠡᠨ | ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠨᠢ ᠭᠠᠳᠠᠷ ᠰᠢᠷᠬᠠᠲᠤᠯ ᠡᠬᠦᠰᠦᠭᠰᠡᠨ ᠠᠴᠠ ᠬᠤᠶᠢᠰᠢ | ᠨᠡᠯᠢᠶᠡᠳ ᠬᠡᠳᠦᠨ ᠵᠢᠯ ᠤᠨ ᠳᠠᠷᠠᠭᠠ ᠰᠠᠶ᠋ᠢ ᠡᠪᠡᠳᠴᠢᠨ ᠤ ᠰᠢᠨᠵᠢ ᠨᠢ ᠡᠬᠢᠯᠡᠵᠦ ᠢᠯᠡᠷᠡᠳᠡᠭ᠃ ᠬᠥᠮᠥᠰ ᠤᠨ ᠨᠠᠰᠤ | ᠵᠢᠯ ᠨᠡᠮᠡᠭᠳᠡᠬᠦ ᠶᠢ ᠳᠠᠭᠠᠯᠳᠤᠨ ᠦᠶᠡ ᠭᠡᠰᠢᠭᠦᠨ ᠤ ᠠᠮᠢᠳᠤ ᠪᠣᠳᠠᠰ ᠤᠨ ᠬᠦᠴᠦᠨ ᠤ ᠤᠬᠠᠭᠠᠨ ᠤ ᠬᠤᠪᠢᠷᠠᠯᠲᠠ | ᠭᠠᠷᠴᠤ ᠡᠭᠦᠨ ᠤ ᠤᠯᠠᠮ ᠠᠴᠠ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠰᠢᠷ ᠠ ᠤᠰᠤᠨ ᠡᠪᠡᠳᠴᠢᠨ ᠢ ᠡᠭᠦᠰᠬᠡᠬᠦ ᠲᠡᠷᠡᠴᠢᠯᠡᠨ | ᠬᠦᠨᠳᠦᠷᠡᠬᠦ ᠬᠡᠮᠵᠢᠶᠡᠨ ᠳᠤ ᠬᠦᠷᠭᠡᠳᠡᠭ᠃ ᠪᠠᠰᠠ 50 ᠨᠠᠰᠤᠨ ᠠᠴᠠ ᠳᠡᠭᠡᠭᠰᠢᠬᠢ ᠡᠮᠡᠭᠲᠡᠶᠢᠴᠦᠳ ᠤᠨ ᠬᠥᠯ ᠤᠨ | ᠦᠶᠡ ᠶᠢᠨ ᠪᠤᠯᠴᠢᠩ ᠤᠨ ᠬᠦᠴᠦᠨ ᠤ ᠳᠣᠷᠣᠶᠢᠲᠠᠯ ︵ᠭᠤᠶᠠ ᠶᠢᠨ ᠲᠦᠷᠪᠡᠨ ᠲᠣᠯᠣᠭᠠᠶᠢᠲᠤ ᠪᠤᠯᠴᠢᠩ︶ ᠠᠴᠠ ᠪᠣᠯᠵᠤ | ᠡᠨᠡᠬᠦ ᠡᠪᠡᠳᠴᠢᠨ ᠡᠬᠦᠰᠳᠡᠭ᠃ ᠡᠮᠡᠭᠲᠡᠶᠢᠴᠦᠳ ᠤᠨ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠠᠴᠠ | ᠰᠢᠯᠲᠠᠭᠠᠯᠠᠨ ᠡᠪᠦᠳᠦᠭ ᠤᠨ ᠦᠶᠡ ᠳᠣᠲᠣᠭᠰᠢ ᠤᠷᠪᠠᠭᠰᠠᠨ ᠬᠡᠮ ᠡᠬᠦᠰᠬᠦ ᠨᠢ ᠡᠷᠡᠭᠲᠡᠶᠢᠴᠦᠳ ᠠᠴᠠ ᠥᠨᠳᠥᠷ | ᠪᠠᠶᠢᠳᠠᠭ᠃ ᠳᠤᠰ ᠡᠪᠡᠳᠴᠢᠨ ᠨᠢ ᠪᠠᠰᠠ ᠴᠡᠪᠡᠷᠰᠢᠬᠦ ᠬᠤᠭᠤᠴᠠᠭᠠᠨ ᠤ ᠳᠠᠷᠠᠭᠠ ᠡᠮᠡ ᠪᠡᠯᠭᠡ ᠶᠢᠨ ᠬᠤᠷᠮᠣᠨ ᠤ | ᠲᠣᠬᠢᠷᠠᠭᠤᠯᠭᠠ ᠶᠢᠨ ᠭᠦᠢᠴᠡᠳ ᠦᠭᠡᠢ ᠲᠠᠢ ᠬᠤᠯᠪᠣᠭᠳᠠᠯ ᠲᠠᠢ᠃ ᠳᠠᠷᠠᠭᠠᠯᠠᠪᠠᠯ ᠡᠨᠡᠬᠦ ᠡᠪᠡᠳᠴᠢᠨ ᠤ ᠡᠭᠦᠰᠦᠯᠲᠡ ᠨᠢ | ᠪᠠᠰᠠ ᠬᠥᠮᠥᠰ ᠤᠨ ᠪᠡᠶᠡ ᠶᠢᠨ ᠬᠦᠨᠳᠦ ᠲᠠᠢ ᠨᠢᠭᠲᠠ ᠬᠤᠯᠪᠣᠭᠳᠠᠯ ᠲᠠᠢ ᠪᠠᠶᠢᠳᠠᠭ᠃ ᠬᠥᠮᠥᠰ ᠤᠨ ᠪᠡᠶᠡ ᠶᠢᠨ ᠬᠦᠨᠳᠦ | 10 ᠺᠢᠯᠦᠭᠷᠠᠮ ᠨᠡᠮᠡᠭᠳᠡᠬᠦ ᠳᠤᠳᠤᠮ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠤ ᠡᠬᠦᠰᠬᠦ ᠨᠤᠷᠮᠠ ᠨᠢ | 40% ᠪᠠᠷ ᠨᠡᠮᠡᠭᠳᠡᠳᠡᠭ᠃ ᠡᠶᠢᠮᠦ ᠠᠴᠠ ᠮᠠᠷᠢᠶᠠ ᠪᠠᠨ ᠲᠣᠬᠢᠷᠠᠮᠵᠢᠲᠠᠢ ᠪᠠᠶᠢᠯᠭᠠᠬᠤ ᠨᠢ ᠡᠨᠡᠬᠦ ᠡᠪᠡᠳᠴᠢᠨ ᠤ | ᠡᠭᠦᠰᠦᠯᠲᠡ ᠶᠢ ᠬᠤᠷᠢᠭᠯᠠᠬᠤ ᠳᠤ ᠮᠠᠰᠢ ᠶᠡᠭᠡ ᠠᠴᠢ ᠬᠤᠯᠪᠣᠭᠳᠠᠯ ᠲᠠᠢ ᠪᠠᠶᠢᠳᠠᠭ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠪᠠᠰᠠ | ᠶᠠᠷᠢᠶᠠᠨ ᠤ ᠡᠬᠢᠨ ᠳᠤ ᠶᠠᠷᠢᠭᠰᠠᠨ ᠦᠷᠪᠢᠰᠦᠯ᠂ ᠭᠠᠳᠠᠷ ᠭᠡᠮᠲᠦᠯ᠂ ᠤᠳᠤᠮᠯᠠᠯ ᠵᠢᠴᠢ ᠤᠯᠠᠨ ᠲᠠᠯᠠ ᠶᠢᠨ ᠰᠢᠯᠲᠠᠭᠠᠨ | ᠨᠥᠬᠦᠴᠡᠯ ᠠᠴᠠ ᠪᠣᠯᠵᠤ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠢ ᠡᠭᠦᠰᠬᠡᠳᠡᠭ᠃ | ᠰᠤᠷᠪᠦᠯᠵᠢᠯᠠᠬᠴᠢ᠄ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠰᠢᠷ ᠠ ᠤᠰᠤᠨ ᠡᠪᠡᠳᠴᠢᠨ ᠤ ᠰᠢᠨᠵᠢ ᠢᠯᠡᠷᠡᠯ ᠨᠢ ᠶᠠᠮᠠᠷ | ᠪᠠᠶᠢᠳᠠᠭ ᠪᠤᠢ︖ | ᠮᠡᠷᠭᠡᠨᠪᠢᠯᠢᠭ ᠡᠮᠴᠢ᠄ ᠨᠢᠭᠡ ᠳᠤ ᠡᠪᠡᠳᠦᠨᠡ᠂ ᠡᠬᠢᠨ ᠤ ᠱᠠᠲᠤᠨ ᠳᠤ ᠪᠠᠨ ᠬᠥᠳᠡᠯᠭᠡᠭᠡᠨ ᠤ ᠳᠠᠷᠠᠭᠠ ᠡᠪᠡᠳᠴᠦ | ᠪᠠᠶᠢᠭᠰᠠᠨ ᠠᠴᠠ ᠤᠯᠠᠮ ᠢᠶᠠᠷ ᠬᠦᠨᠳᠦᠷᠡᠵᠦ ᠤᠨᠲᠠᠵᠤ ᠠᠮᠠᠷᠠᠬᠤ ᠦᠶᠡ ᠳᠤ ᠦᠷᠬᠦᠯᠵᠢ ᠶᠢᠨ ᠴᠢᠨᠠᠷᠲᠠᠢ ᠡᠪᠡᠳᠬᠦ | ᠰᠢᠨᠵᠢ ᠢᠯᠡᠷᠡᠳᠡᠭ᠂ ᠣᠨᠴᠠᠭᠠᠶᠢᠯᠠᠨ ᠳᠡᠭᠡᠭᠰᠢ ᠳᠣᠷᠣᠭᠰᠢ ᠠᠰᠠᠷ ᠤᠨ ᠱᠠᠲᠤ ᠮᠠᠴᠤᠬᠤ ᠦᠶᠡ ᠳᠤ ᠡᠪᠡᠳᠬᠦ ᠨᠢ | ᠤᠯᠠᠮ ᠬᠦᠨᠳᠦ ᠪᠠᠶᠢᠳᠠᠭ᠃ ᠬᠥᠳᠡᠯᠭᠡᠭᠡᠨ ᠤ ᠦᠶᠡ ᠳᠤ ᠡᠪᠡᠳᠬᠦ ᠨᠢ ᠭᠤᠣᠯᠳᠠᠭᠤ ᠬᠥᠳᠡᠯᠭᠡᠭᠡᠨ ᠤ ᠳᠤᠮᠳᠠᠬᠢ | ᠦᠷᠦᠯᠳᠡ ᠠᠴᠠ ᠪᠣᠯᠵᠤ ᠡᠪᠡᠷᠰᠢᠶᠡᠯ ᠡᠬᠦᠰᠳᠡᠭ᠃ ᠡᠪᠡᠳᠬᠦ ᠬᠡᠮᠵᠢᠶᠡ ᠨᠢ ᠡᠬᠢᠨ ᠤ ᠦᠶᠡ ᠳᠤ ᠬᠥᠩᠭᠡᠨ | ᠪᠠᠶᠢᠭᠰᠠᠨ ᠠᠴᠠ ᠰᠡᠭᠦᠯᠴᠢ ᠶᠢᠨ ᠦᠶᠡ ᠳᠤ ᠬᠦᠨᠳᠦ ᠪᠤᠯᠳᠠᠬ᠃ ᠡᠭᠦᠨ ᠳᠤ ᠡᠪᠡᠳᠬᠦ ᠶᠢᠨ ᠪᠠᠶᠢᠷᠢ ᠶᠢᠨ ᠲᠠᠯᠠ ᠳᠤ | ᠠᠪᠴᠤ ᠶᠠᠷᠢᠪᠠᠯ ᠡᠪᠦᠳᠦᠭ ᠤᠨ ᠦᠶᠡ ᠳᠣᠲᠣᠭᠰᠢ ᠤᠷᠪᠠᠭᠰᠠᠨ ᠬᠡᠮ ᠳᠤ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠳᠣᠲᠣᠷ | ᠲᠠᠯᠠ ᠳᠤ ᠡᠪᠡᠳᠴᠦ᠂ ᠡᠪᠦᠳᠦᠭ ᠤᠨ ᠦᠶᠡ ᠭᠠᠳᠠᠭᠰᠢ ᠤᠷᠪᠠᠭᠰᠠᠨ ᠬᠡᠮ ᠳᠤ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠭᠠᠳᠠᠷ | ᠲᠠᠯᠠ ᠳᠤ ᠡᠪᠡᠳᠬᠦ ᠵᠡᠷᠭᠡ ᠰᠢᠨᠵᠢ ᠬᠠᠷᠢᠴᠠᠩᠭᠤᠢ ᠢᠯᠡᠷᠡᠳᠡᠭ᠃ ᠡᠭᠦᠨ ᠳᠤ ᠬᠠᠯᠠᠭᠤᠨ ᠴᠢᠨᠠᠷᠲᠠᠢ ᠪᠣᠯ ᠡᠩ ᠤᠨ | ᠦᠶᠡ ᠶᠢᠨ ᠡᠪᠡᠳᠬᠦ ᠨᠢ ᠬᠠᠷᠢᠴᠠᠩᠭᠤᠢ ᠢᠯᠡᠭᠦᠦ᠂ ᠬᠠᠷᠢᠨ ᠬᠦᠢᠲᠡᠨ ᠴᠢᠨᠠᠷ ᠪᠦᠬᠦᠢ ᠡᠪᠦᠳᠦᠭ ᠤᠨ ᠦᠢ ᠠ ᠶᠢᠨ | ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠨᠢ ᠬᠦᠢᠲᠡᠨ ᠴᠢᠬᠢᠭ ᠪᠣᠯᠣᠨ ᠡᠭᠦᠯᠡ ᠲᠠᠢ ᠪᠦᠷᠬᠦᠭ ᠠᠭᠤᠷ ᠠᠮᠢᠰᠬᠤᠯ ᠤᠨ | ᠬᠤᠪᠢᠷᠠᠯᠲᠠ ᠳᠤ ᠡᠪᠡᠳᠬᠦ ᠰᠢᠨᠵᠢ ᠨᠢ ᠨᠡᠩ ᠢᠯᠡᠭᠦᠦ ᠪᠠᠶᠢᠳᠠᠭ᠃ ᠬᠤᠶᠠᠷ ᠲᠤ᠂ ᠦᠶᠡ ᠭᠡᠰᠢᠭᠦᠦ ᠬᠠᠪᠤᠳᠤᠨᠠ᠂ ᠳᠤᠰ | ᠡᠪᠡᠳᠴᠢᠨ ᠤ ᠰᠢᠨᠵᠢ ᠨᠢ ᠭᠤᠣᠯᠳᠠᠭᠤ ᠦᠶᠡ ᠭᠡᠰᠢᠭᠦᠨ ᠳᠤ ᠰᠢᠷᠠ ᠤᠰᠤ ᠬᠤᠷᠠᠭᠰᠠᠨ ᠠᠴᠠ ᠪᠣᠯᠵᠤ ᠡᠬᠦᠰᠳᠡᠭ᠃ | ᠦᠶᠡ ᠭᠡᠰᠢᠭᠦᠨ ᠤ ᠮᠦᠭᠡᠷᠰᠤᠨ ᠭᠠᠳᠠᠷᠭᠤ ᠡᠪᠳᠡᠭᠳᠡᠵᠦ᠂ ᠮᠦᠭᠡᠷᠰᠤᠨ ᠭᠠᠳᠠᠷᠭᠤ ᠲᠡᠭᠰᠢ ᠪᠤᠰᠤ ᠪᠣᠯᠤᠭᠰᠠᠨ ᠠᠴᠠ | ᠪᠣᠯᠵᠤ ᠬᠥᠳᠡᠯᠭᠡᠭᠡᠨ ᠤ ᠳᠠᠷᠠᠭᠠ ᠱᠦᠷᠭᠦᠯᠳᠤᠬᠦ ᠠᠪᠢᠶᠠ ᠭᠠᠷᠳᠠᠬ᠃ ᠭᠤᠷᠪᠠ᠂ ᠦᠶᠡ ᠭᠡᠰᠢᠭᠦᠦ ᠬᠥᠰᠢᠭᠦᠨ ᠪᠣᠯᠣᠨᠠ᠂ | ᠡᠨᠡᠬᠦ ᠡᠪᠡᠳᠴᠢᠨ ᠤ ᠰᠢᠨᠵᠢ ᠨᠢ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠰᠢᠷ ᠠ ᠤᠰᠤᠨ ᠡᠪᠡᠳᠴᠢᠨ ᠤ ᠬᠠᠮᠤᠭ ᠨᠡᠶᠢᠲᠡᠯᠢᠭ | ᠰᠢᠨᠵᠢ ᠪᠣᠯᠣᠨᠠ᠃ ᠳᠤᠰ ᠡᠪᠡᠳᠴᠢᠨ ᠤ ᠰᠢᠨᠵᠢ ᠢᠯᠡᠷᠡᠵᠦ ᠪᠠᠶᠢᠬᠤ ᠨᠢ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠰᠢᠷᠠ ᠤᠰᠤᠨ | ᠡᠪᠡᠳᠴᠢᠨ ᠤ ᠤᠷᠢᠳᠴᠢᠯᠠᠭᠰᠠᠨ ᠰᠢᠨᠵᠢ ᠲᠡᠮᠳᠡᠭ ᠪᠤᠯᠬᠤ ᠶᠤᠮ᠃ ᠡᠨᠡ ᠨᠢ ᠭᠤᠣᠯᠳᠠᠭᠤ ᠥᠷᠯᠥᠭᠡ ᠡᠷᠲᠡ ᠪᠤᠰᠬᠤ | ᠦᠶᠡ ᠳᠤ ᠦᠶᠡ ᠭᠡᠰᠢᠭᠦᠦ ᠪᠠᠷ ᠬᠦᠰᠢᠬᠦ ᠪᠠᠶᠢᠳᠠᠯ ᠢᠯᠡᠷᠡᠵᠦ᠂ ᠬᠥᠳᠡᠯᠭᠡᠭᠡᠨ ᠬᠢᠵᠦ᠂ ᠠᠷᠪᠠᠭᠠᠳ ᠮᠢᠨᠦ᠋ᠲ ᠤᠨ | ᠳᠠᠷᠠᠭᠠ ᠪᠠᠶᠢᠳᠠᠯ ᠠᠶᠠᠨᠳᠠᠭᠠᠨ ᠨᠠᠮᠳᠠᠳᠠᠭ᠂ ᠦᠷᠭᠦᠯᠵᠢᠯᠡᠬᠦ ᠴᠠᠭ ᠨᠢ ᠬᠠᠷᠢᠴᠠᠩᠭᠤᠢ ᠣᠬᠤᠷ᠂ ᠣᠯᠠᠩᠬᠢ ᠳᠤ ᠪᠠᠨ 30 | ᠮᠢᠨᠦ᠋ᠲ ᠠᠴᠠ ᠬᠡᠲᠦᠷᠡᠳᠡᠭ ᠦᠭᠡᠢ᠂ ᠦᠶᠡ ᠭᠡᠰᠢᠭᠦᠦ ᠬᠥᠰᠢᠭᠦᠨ ᠰᠠᠨᠠᠭᠳᠠᠬᠤ ᠨᠢ ᠠᠭᠠᠷ ᠤᠨ ᠳᠠᠷᠤᠴᠠ ᠪᠠᠭᠤᠷᠠᠬᠤ | ᠵᠢᠴᠢ ᠠᠭᠤᠷ ᠠᠮᠢᠰᠬᠤᠯ ᠤᠨ ᠴᠢᠬᠢᠭᠯᠢᠭ ᠤᠨ ᠬᠡᠮᠵᠢᠶᠡ ᠨᠡᠮᠡᠭᠳᠡᠬᠦ ᠶᠢ ᠳᠠᠭᠠᠯᠳᠤᠨ ᠬᠦᠨᠳᠦᠷᠡᠳᠡᠭ᠃ ᠳᠥᠷᠪᠡ ᠳᠤ᠂ | ᠦᠶᠡ ᠭᠡᠰᠢᠭᠦᠦ ᠶᠢᠨ ᠬᠡᠰᠡᠭ ᠢᠶᠠᠷ ᠲᠠᠮᠢᠷ ᠳᠤᠷᠤᠢ ᠪᠤᠯᠬᠤ᠂ ᠡᠨᠡᠬᠦ ᠰᠢᠨᠵᠢ ᠨᠢ ᠪᠤᠯᠴᠢᠩ ᠮᠢᠬᠠ᠂ ᠵᠥᠭᠡᠯᠡᠨ ᠨᠡᠬᠡᠳᠡᠰᠦ | ᠠᠪᠴᠢᠯᠲᠠ ᠡᠭᠦᠰᠦᠭᠰᠡᠨ ᠠᠴᠠ ᠪᠣᠯᠵᠤ ᠦᠶᠡ ᠭᠡᠰᠢᠭᠦᠦ ᠶᠢᠨ ᠬᠡᠰᠡᠭ ᠢᠶᠠᠷ ᠲᠠᠮᠢᠷ ᠳᠤᠷᠤᠢ ᠪᠤᠯᠬᠤ ᠰᠢᠨᠵᠢ ᠲᠡᠮᠳᠡᠭ | ᠢᠯᠡᠷᠡᠳᠡᠭ᠂ ᠭᠤᠣᠯᠳᠠᠭᠤ ᠡᠩ ᠤᠨ ᠦᠶᠡ ᠳᠤ ᠠᠯᠬᠤᠵᠤ ᠶᠠᠪᠤᠬᠤ ᠦᠶᠡ ᠳᠤ ᠬᠥᠯ ᠨᠤᠭᠤᠷᠠᠨ ᠴᠢᠳᠠᠯ ᠦᠭᠡᠢ | ᠪᠤᠯᠬᠤ᠂ ᠡᠪᠡᠳᠴᠢᠨ ᠤ ᠪᠠᠶᠢᠳᠠᠯ ᠬᠦᠨᠳᠦ ᠦᠶᠡ ᠳᠤ ᠪᠠᠨ ᠡᠪᠦᠳᠦᠭ ᠤᠨ ᠦᠶᠡ ᠪᠠᠨ ᠪᠦᠷᠢᠮᠦᠰᠦᠨ ᠨᠤᠭᠤᠯᠵᠤ | ᠲᠡᠨᠢᠢᠯᠭᠡᠬᠦ ᠳᠤ ᠬᠦᠴᠢᠷᠳᠡᠬᠦ ᠪᠠᠶᠢᠳᠠᠯ ᠭᠠᠷᠬᠤ ᠵᠡᠷᠭᠡ ᠰᠢᠨᠵᠢ ᠢᠯᠡᠷᠡᠳᠡᠭ᠃ ᠲᠠᠪᠤ ᠳᠤ ᠡᠪᠦᠳᠦᠭ ᠤᠨ ᠦᠢ ᠠ ᠶᠢᠨ | ᠬᠥᠳᠡᠯᠭᠡᠭᠡᠨ ᠬᠠᠷᠰᠢᠯᠠᠭᠳᠠᠨᠠ᠂ ᠳᠡᠭᠡᠷᠡᠬᠢ ᠰᠢᠨᠵᠢ ᠨᠢ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠣᠷᠴᠢᠮ ᠤᠨ ᠪᠤᠯᠴᠢᠩ ᠮᠢᠬᠠᠨ ᠤ | ᠠᠲᠤᠷᠢᠯ᠂ ᠦᠶᠡ ᠭᠡᠰᠢᠭᠦᠨ ᠤ ᠡᠷᠡᠭᠦᠯ ᠤᠨ ᠪᠦᠲᠦᠴᠡ ᠶᠢᠨ ᠡᠪᠳᠡᠭᠳᠡᠯ ᠠᠴᠠ ᠰᠢᠯᠲᠠᠭᠠᠯᠠᠨ ᠡᠭᠦᠰᠴᠦ᠂ ᠡᠪᠦᠳᠦᠭ ᠤᠨ | ᠦᠶᠡ ᠶᠢᠨ ᠠᠯᠢᠪᠠ ᠬᠥᠳᠡᠯᠭᠡᠭᠡᠨ ᠬᠠᠷᠰᠢᠯᠠᠭᠳᠠᠬᠤ ᠬᠡᠮᠵᠢᠶᠡᠨ ᠳᠤ ᠬᠦᠷᠳᠡᠭ᠃ ᠡᠭᠦᠨ ᠤ ᠬᠠᠮᠲᠤ ᠪᠠᠰᠠ ᠡᠪᠦᠳᠦᠭ ᠤᠨ | ᠦᠶᠡ ᠳᠣᠲᠣᠭᠰᠢ ᠤᠷᠪᠠᠭᠰᠠᠨ ᠬᠡᠮ᠂ ᠡᠪᠦᠳᠦᠭ ᠤᠨ ᠦᠶᠡ ᠭᠠᠳᠠᠭᠰᠢ ᠤᠷᠪᠠᠭᠰᠠᠨ ᠬᠡᠮ ᠵᠡᠷᠭᠡ ᠡᠪᠡᠳᠴᠢᠨ ᠤ | ᠬᠤᠪᠢᠷᠠᠯᠲᠠ ᠳᠠᠭᠠᠯᠳᠤᠨ ᠢᠯᠡᠷᠡᠳᠡᠭ᠃ ᠡᠭᠦᠨ ᠠᠴᠠ ᠪᠣᠯᠵᠤ ᠬᠡᠪ ᠤᠨ ᠠᠮᠢᠳᠤᠷᠠᠯ ᠤᠨ ᠴᠢᠨᠰᠠᠭᠠ ᠶᠢ ᠶᠡᠬᠡᠬᠡᠨ | ᠨᠥᠯᠥᠭᠡᠯᠡᠬᠦ ᠪᠣᠯᠣᠨᠠ᠃ | ᠰᠤᠷᠪᠦᠯᠵᠢᠯᠠᠬᠴᠢ᠄ ᠳᠡᠭᠡᠪᠡᠯ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠳᠤ ᠨᠡᠷᠪᠡᠭᠳᠡᠪᠡᠯ ᠡᠯᠡ | ᠱᠠᠲᠤ ᠦᠶᠡ ᠳᠠᠬᠢ ᠡᠮᠴᠢᠯᠡᠬᠦ ᠠᠷᠭᠠ ᠶᠠᠮᠠᠷ ᠪᠠᠶᠢᠳᠠᠭ ᠪᠤᠢ︖ | ᠮᠡᠷᠭᠡᠨᠪᠢᠯᠢᠭ ᠡᠮᠴᠢ᠄ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠤ ᠡᠭᠦᠰᠦᠯᠲᠡ ᠶᠢ ᠪᠢᠳᠡ | ᠡᠪᠡᠳᠴᠢᠨ ᠤ ᠬᠦᠨᠳᠦ ᠬᠥᠩᠭᠡᠨ ᠤ ᠪᠠᠶᠢᠳᠠᠯ ᠢᠶᠠᠷ ᠱᠠᠲᠤᠴᠢ ᠴᠢᠨᠠᠷᠲᠠᠢ ᠡᠮᠴᠢᠯᠡᠭᠡ ᠬᠢᠵᠦ ᠪᠤᠯᠳᠠᠬ᠃ ᠪᠣᠳᠠᠲᠠᠢ ᠪᠠᠷ | ᠶᠠᠷᠢᠪᠠᠯ᠂ ᠨᠢᠭᠡᠳᠦᠭᠡᠷ ᠱᠠᠲᠤ ᠦᠶᠡ ᠳᠤ ᠪᠢᠳᠡ ᠡᠪᠡᠳᠴᠢᠲᠡᠨ ᠳᠤ ᠡᠨᠡᠬᠦ ᠡᠪᠡᠳᠴᠢᠨ ᠤ ᠲᠤᠬᠠᠢ ᠮᠡᠳᠡᠯᠭᠡ ᠶᠢ | ᠰᠤᠷᠲᠠᠯᠴᠢᠯᠠᠵᠤ᠂ ᠲᠡᠭᠦᠨ ᠤ ᠬᠤᠣᠷ ᠬᠥᠨᠥᠭᠡᠯ ᠤᠨ ᠲᠤᠬᠠᠢ ᠣᠶᠢᠯᠠᠭᠠᠯᠲᠠ ᠶᠢ ᠭᠦᠨᠵᠡᠭᠡᠶᠢᠷᠡᠭᠦᠯᠵᠦ ᠡᠷᠡᠭᠦᠯ ᠮᠡᠡᠳᠤ | ᠠᠮᠢᠳᠤᠷᠠᠯ ᠤᠨ ᠬᠡᠪ ᠮᠠᠶ᠋ᠢᠭ ᠢ ᠲᠠᠨᠢᠯᠴᠠᠭᠤᠯᠤᠨ ᠡᠪᠦᠳᠦᠭ ᠤᠨ ᠦᠶᠡ ᠶᠢ ᠬᠠᠮᠠᠭᠠᠯᠠᠬᠤ ᠲᠤᠬᠠᠢ ᠮᠡᠳᠡᠯᠭᠡ ᠶᠢ ᠵᠢᠭᠠᠨ | ᠵᠢᠯᠣᠭᠤᠳᠤᠨᠠ᠃ ᠤᠳᠠᠭᠠᠨ ᠴᠢᠨᠠᠷᠲᠠᠢ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠤ ᠡᠮᠴᠢᠯᠡᠭᠡ ᠳᠤ | ᠪᠠᠰᠠ ᠬᠠᠯᠠᠭᠤᠨ ᠵᠢᠩ ᠵᠠᠰᠠᠯ᠂ ᠴᠠᠬᠢᠯᠭᠠᠨ ᠵᠠᠰᠠᠯ᠂ ᠰᠣᠷᠢᠨᠵᠢᠨ ᠵᠠᠰᠠᠯ᠂ ᠤᠯᠠᠭᠠᠨ ᠤ ᠭᠠᠳᠠᠨᠠᠬᠢ ᠲᠤᠶᠠᠭᠠᠨ ᠤ ᠵᠠᠰᠠᠯ᠂ | ᠤᠰᠤᠨ ᠵᠠᠰᠠᠯ᠂ ᠷᠠᠰᠢᠶᠠᠨ ᠵᠠᠰᠠᠯ᠂ ᠰᠢᠪᠠᠷ ᠵᠠᠰᠠᠯ᠂ ᠯᠠ ᠵᠠᠰᠠᠯ ᠵᠡᠷᠭᠡ ᠤᠯᠠᠮᠵᠢᠯᠠᠯᠲᠤ ᠵᠠᠰᠠᠯ ᠵᠢᠴᠢ ᠰᠢᠨᠡ | ᠬᠡᠯᠪᠡᠷᠢ ᠶᠢᠨ ᠵᠠᠰᠠᠯ ᠪᠠ ᠡᠮᠲᠦ ᠪᠣᠳᠠᠰ ᠤᠨ ᠡᠮᠴᠢᠯᠡᠭᠡ ᠶᠢ ᠤᠶᠠᠯᠳᠤᠭᠤᠯᠵᠤ ᠡᠮᠴᠢᠯᠡᠵᠦ ᠪᠤᠯᠳᠠᠬ᠃ ᠬᠤᠶᠠᠳᠤᠭᠠᠷ | ᠱᠠᠲᠤ ᠳᠤ᠂ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠳᠤᠷᠠᠨ ᠤ ᠳᠣᠣᠷᠠ ᠪᠢᠴᠢᠯ ᠰᠢᠷᠬᠠ ᠪᠠᠷ ᠡᠪᠦᠳᠦᠭ ᠤᠨ ᠦᠶᠡ ᠶᠢ ᠴᠡᠪᠡᠷᠯᠡᠬᠦ | ᠵᠠᠰᠠᠯ ᠬᠢᠬᠦ᠂ ᠡᠪᠦᠳᠦᠭ ᠤᠨ ᠦᠢ ᠠ ᠮᠥᠭᠡᠷᠰᠦᠯᠡᠬᠦ᠂ ᠶᠠᠰᠤ᠂ ᠲᠠᠯᠠ ᠰᠠᠷᠠᠨ ᠬᠡᠯᠪᠡᠷᠢᠲᠦ ᠮᠦᠬᠡᠷᠰᠤᠨ ᠳᠠᠪᠠᠭ᠂ ᠭᠥᠯᠢᠭᠡᠷ | ᠪᠦᠷᠬᠦᠪᠴᠢ ᠵᠡᠷᠭᠡ ᠨᠢ ᠡᠪᠡᠳᠴᠢᠨ ᠤ ᠬᠤᠪᠢᠷᠠᠯᠲᠠ ᠭᠠᠷᠤᠭᠰᠠᠨ ᠦᠶᠡ ᠳᠤ ᠡᠨᠡᠬᠦ ᠵᠠᠰᠠᠯ ᠤᠨ ᠠᠷᠭᠠ ᠶᠢ ᠬᠡᠷᠡᠭᠯᠡᠵᠦ | ᠪᠤᠯᠳᠠᠬ᠃ ᠭᠤᠷᠪᠠᠳᠤᠭᠠᠷ ᠱᠠᠲᠤ ᠦᠶᠡ ᠳᠤ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠠᠴᠠ | ᠰᠢᠯᠲᠠᠭᠠᠯᠠᠨ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠳᠣᠲᠣᠭᠰᠢ ᠤᠷᠪᠠᠭᠰᠠᠨ ᠬᠡᠮ᠂ ᠡᠪᠦᠳᠦᠭ ᠤᠨ ᠦᠶᠡ ᠭᠠᠳᠠᠭᠰᠢ ᠤᠷᠪᠠᠭᠰᠠᠨ | ᠬᠡᠮ ᠳᠠᠭᠠᠯᠳᠤᠨ ᠢᠯᠡᠷᠡᠳᠡᠭ᠃ ᠡᠶᠢᠮᠦᠷᠬᠦᠦ ᠪᠠᠶᠢᠳᠠᠯ ᠳᠣᠣᠷᠠ ᠭᠠᠭᠴᠠ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠳᠤᠷᠠᠨ ᠤ | ᠳᠣᠣᠷᠠ ᠪᠢᠴᠢᠯ ᠰᠢᠷᠬᠠ ᠪᠠᠷ ᠡᠪᠦᠳᠦᠭ ᠤᠨ ᠦᠶᠡ ᠶᠢ ᠴᠡᠪᠡᠷᠯᠡᠬᠦ ᠵᠠᠰᠠᠯ ᠬᠢᠬᠦ ᠨᠢ ᠡᠮᠴᠢᠯᠡᠭᠡᠨ ᠤ ᠠᠰᠢᠭ | ᠲᠤᠰᠠ ᠪᠠᠷ ᠠᠨᠠᠢ ᠪᠠᠶᠢᠳᠠᠭ᠃ ᠡᠶᠢᠮᠦ ᠠᠴᠠ ᠪᠢᠳᠡ ᠬᠠᠷᠠᠬᠠᠨ ᠡᠪᠦᠳᠦᠭ ᠤᠨ ᠦᠢ ᠠ ᠶᠢ ᠬᠢᠮᠡᠯ ᠡᠪᠦᠳᠦᠭ ᠤᠨ | ᠦᠶᠡ ᠪᠠᠷ ᠰᠣᠯᠢᠬᠤ ᠮᠡᠰᠡ ᠵᠠᠰᠠᠯ ᠬᠢᠬᠦ ᠬᠡᠮᠵᠢᠶᠡᠨ ᠳᠤ ᠬᠦᠷᠦᠭᠡ ᠦᠭᠡᠢ ᠡᠪᠡᠳᠴᠢᠲᠡᠨ ᠳᠤ ᠪᠠᠰᠠ ᠳᠣᠣᠷᠠᠳᠤ | ᠮᠥᠴᠢ ᠶᠢᠨ ᠶᠠᠰᠤ ᠶᠢ ᠵᠢᠰᠢᠭᠦᠦ ᠣᠭᠲᠣᠯᠬᠤ ᠵᠠᠰᠠᠯ ᠢᠶᠠᠷ ᠳᠠᠮᠵᠢᠨ᠂ ᠳᠣᠣᠷᠠᠳᠤ ᠮᠥᠴᠢ ᠶᠢᠨ ᠬᠦᠴᠦᠨ ᠤ ᠱᠤᠭᠤᠮ ᠢ | ᠲᠡᠭᠰᠢᠯᠡᠵᠦ᠂ ᠡᠮᠴᠢᠯᠡᠭᠡᠨ ᠤ ᠬᠠᠷᠠᠯᠲᠠ ᠳᠤ ᠪᠠᠨ ᠬᠦᠷᠴᠦ ᠪᠤᠯᠳᠠᠬ᠃ ᠡᠭᠦᠨ ᠠᠴᠠ ᠳᠠᠷᠠᠭᠠᠯᠠᠪᠠᠯ ᠡᠮᠴᠢᠯᠡᠭᠡᠨ ᠳᠡᠭᠡᠷᠡ | ᠪᠠᠰᠠ ᠰᠣᠩᠭᠤᠯᠲᠠ ᠶᠢᠨ ᠴᠢᠨᠠᠷᠲᠠᠢ ᠬᠡᠷᠡᠭᠯᠡᠳᠡᠭ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠳᠠᠩ ᠱᠤᠩᠳᠤᠩ ᠢ ᠰᠣᠯᠢᠬᠤ ᠵᠠᠰᠠᠯ | ᠪᠣᠯᠣᠨᠠ᠂ ᠳᠤᠰ ᠵᠠᠰᠠᠯ ᠨᠢ ᠪᠢᠴᠢᠯ ᠰᠢᠷᠬᠠᠯᠠᠭᠠ ᠶᠢᠨ ᠬᠡᠯᠪᠡᠷᠢ ᠶᠢᠨ ᠮᠡᠰᠡ ᠵᠠᠰᠠᠯ ᠳᠤ ᠲᠣᠭᠠᠴᠠᠭᠳᠠᠳᠠᠭ᠃ | ᠭᠤᠣᠯᠳᠠᠭᠤ ᠡᠪᠦᠳᠦᠭ ᠤᠨ ᠦᠶᠡ ᠶᠢ ᠪᠦᠲᠡᠭᠡᠵᠦ ᠪᠠᠶᠢᠭᠠ ᠳᠤᠮᠳᠠ ᠴᠢᠮᠦᠭᠡᠨ ᠶᠠᠰᠤ᠂ ᠪᠦᠳᠦᠭᠦᠨ ᠰᠢᠯᠪᠢ ᠶᠢᠨ | ᠶᠠᠰᠤᠨ ᠤ ᠱᠤᠩᠳᠤᠩ ᠤᠨ ᠮᠦᠭᠡᠷᠰᠤᠨ ᠭᠠᠳᠠᠷᠭᠤ ᠶᠢᠨ ᠬᠡᠰᠡᠭ ᠤᠨ ᠡᠪᠳᠡᠭᠳᠡᠯ ᠢ ᠬᠢᠮᠡᠯ ᠦᠶᠡ ᠪᠠᠷ ᠰᠣᠯᠢᠬᠤ ᠪᠠᠷ | ᠳᠠᠮᠵᠢᠨ ᠡᠪᠦᠳᠦᠭ ᠤᠨ ᠦᠢ ᠠ ᠶᠢᠨ ᠰᠢᠷᠠ ᠤᠰᠤᠨ ᠡᠪᠡᠳᠴᠢᠨ ᠤ ᠰᠢᠨᠵᠢ ᠲᠡᠮᠳᠡᠭ ᠢ ᠨᠠᠮᠳᠠᠭᠠᠳᠠᠭ᠃ ᠳᠤᠰ ᠵᠠᠰᠠᠯ | ᠨᠢ ᠪᠠᠰᠠ ᠵᠠᠰᠠᠯ ᠤᠨ ᠶᠠᠪᠤᠴᠠ ᠳᠤᠮᠳᠠ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠰᠦᠯᠵᠢᠶᠡ ᠬᠤᠯᠪᠣᠭᠠᠰᠤ ᠶᠢ ᠬᠠᠮᠠᠭᠠᠯᠠᠵᠤ | ᠴᠢᠳᠠᠬᠤ ᠦᠢᠯᠡᠳᠦᠯ ᠲᠠᠢ ᠠᠴᠠ ᠪᠣᠯᠵᠤ ᠡᠷᠡᠭᠦᠯ ᠪᠡᠶᠡ ᠶᠢᠨ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠬᠥᠳᠡᠯᠭᠡᠭᠡᠨ ᠤ ᠴᠢᠳᠠᠮᠵᠢ ᠶᠢ | ᠨᠢᠭᠡ ᠬᠡᠮᠵᠢᠶᠡᠨ ᠳᠤ ᠪᠠᠨ ᠬᠠᠮᠠᠭᠠᠯᠠᠵᠤ ᠴᠢᠳᠠᠳᠠᠭ᠃ ᠳᠥᠷᠪᠡᠳᠦᠭᠡᠷ ᠱᠠᠲᠤ ᠦᠶᠡ ᠳᠤ ᠪᠦᠬᠦ ᠡᠪᠦᠳᠦᠭ ᠤᠨ ᠦᠶᠡ ᠶᠢ | ᠬᠢᠮᠡᠯ ᠦᠶᠡ ᠪᠠᠷ ᠰᠣᠯᠢᠬᠤ ᠮᠡᠰᠡ ᠵᠠᠰᠠᠯ ᠬᠢᠬᠦ ᠪᠣᠯᠣᠨᠠ᠃ ᠡᠪᠦᠳᠦᠭ ᠤᠨ ᠦᠶᠡ ᠬᠥᠰᠢᠵᠦ ᠠᠲᠤᠷᠢᠨ᠂ | ᠠᠵᠢᠯᠯᠠᠭᠠ ᠪᠠᠨ ᠠᠯᠳᠠᠨ᠂ ᠬᠥᠳᠡᠯᠭᠡᠭᠡᠨ ᠨᠢ ᠬᠠᠷᠰᠢᠯᠠᠭᠳᠠᠵᠤ᠂ ᠶᠠᠰᠤ ᠦᠶᠡ ᠪᠠᠷ ᠬᠦᠨᠳᠦ ᠨᠣᠴᠢᠲᠠᠢ ᠡᠪᠳᠡᠭᠳᠡᠬᠦ᠂ | ᠡᠪᠡᠷᠰᠢᠶᠡᠯ ᠬᠦᠨᠳᠡᠭᠦᠷᠢ ᠨᠢ ᠶᠡᠭᠡ᠂ ᠬᠡᠪ ᠤᠨ ᠠᠮᠢᠳᠤᠷᠠᠯ ᠤᠨ ᠴᠢᠨᠠᠷ ᠴᠢᠨᠰᠠᠭᠠ ᠶᠢ ᠬᠦᠨᠳᠦ ᠨᠣᠴᠢᠲᠠᠢ | ᠨᠥᠯᠥᠭᠡᠯᠡᠭᠰᠡᠨ ᠵᠡᠷᠭᠡ ᠡᠪᠡᠳᠴᠢᠨ ᠤ ᠰᠢᠨᠵᠢ ᠢᠯᠡᠷᠡᠯ ᠲᠠᠢ ᠦᠳᠡᠯᠦᠬᠡ ᠨᠠᠰᠤᠨ ᠤ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠰᠢᠷᠠ | ᠤᠰᠤᠨ ᠡᠪᠡᠳᠴᠢᠲᠡᠨ ᠳᠤ ᠠᠪᠴᠤ ᠬᠡᠯᠡᠪᠡᠯ᠂ ᠪᠦᠬᠦ ᠡᠪᠦᠳᠦᠭ ᠤᠨ ᠦᠶᠡ ᠶᠢ ᠬᠢᠮᠡᠯ ᠡᠪᠦᠳᠦᠭ ᠤᠨ ᠦᠶᠡ ᠪᠠᠷ | ᠰᠣᠯᠢᠬᠤ ᠮᠡᠰᠡ ᠵᠠᠰᠠᠯ ᠬᠢᠬᠦ ᠨᠢ ᠡᠪᠡᠳᠴᠢᠲᠡᠨ ᠤ ᠡᠪᠡᠷᠰᠢᠶᠡᠯ ᠬᠦᠨᠳᠡᠭᠦᠷᠢ ᠶᠢ ᠠᠷᠢᠯᠭᠠᠵᠤ ᠴᠢᠳᠠᠬᠤ ᠮᠥᠷᠲᠡᠭᠡᠨ | ᠡᠪᠦᠳᠦᠭ ᠤᠨ ᠦᠶᠡ ᠳᠣᠲᠣᠭᠰᠢ ᠤᠷᠪᠠᠭᠰᠠᠨ ᠬᠡᠮ᠂ ᠡᠪᠦᠳᠦᠭ ᠤᠨ ᠦᠶᠡ ᠭᠠᠳᠠᠭᠰᠢ ᠤᠷᠪᠠᠭᠰᠠᠨ ᠬᠡᠮ ᠢ | ᠵᠠᠯᠭᠠᠭᠤᠯᠤᠨ᠂ ᠡᠪᠦᠳᠦᠭ ᠤᠨ ᠦᠶᠡ ᠶᠢᠨ ᠡᠷᠡᠭᠦᠯ ᠤᠨ ᠠᠵᠢᠯᠯᠠᠭᠠ ᠶᠢ ᠰᠡᠷᠭᠦᠭᠡᠨ᠂ ᠡᠪᠡᠳᠴᠢᠲᠡᠨ ᠤ ᠠᠮᠢᠳᠤᠷᠠᠯ ᠤᠨ | ᠴᠢᠨᠰᠠᠭᠠ ᠶᠢ ᠶᠡᠬᠡᠬᠡᠨ ᠳᠡᠭᠡᠭᠰᠢᠯᠡᠬᠦᠯᠵᠤ ᠴᠢᠳᠠᠬᠤ ᠮᠥᠷᠲᠡᠭᠡᠨ ᠡᠮᠴᠢᠯᠡᠭᠡᠨ ᠤ ᠠᠴᠢ ᠲᠤᠰᠠ ᠬᠠᠮᠤᠭ ᠶᠡᠭᠡ᠂ | ᠦᠢᠯᠡᠳᠦᠯ ᠲᠣᠪᠣᠶᠢᠮᠠ ᠪᠠᠶᠢᠳᠠᠭ᠃ | ᠳᠡᠭᠡᠷᠡ ᠶᠠᠷᠢᠭᠰᠠᠨ ᠱᠠᠲᠤᠴᠢ ᠴᠢᠨᠠᠷᠲᠠᠢ ᠡᠮᠴᠢᠯᠡᠭᠡ ᠶᠢ ᠪᠢᠳᠡ ᠡᠪᠡᠳᠴᠢᠲᠡᠨ ᠤ ᠡᠪᠡᠳᠴᠢᠨ ᠤ ᠬᠦᠨᠳᠦ ᠬᠥᠩᠭᠡᠨ | ᠪᠠᠶᠢᠳᠠᠯ ᠲᠠᠢ ᠤᠶᠠᠯᠳᠤᠭᠤᠯᠤᠨ ᠠᠯᠢ ᠱᠠᠲᠤ ᠦᠶᠡ ᠳᠠᠬᠢ ᠡᠮᠴᠢᠯᠡᠭᠡ ᠶᠢ ᠰᠣᠩᠭᠤᠪᠠᠯ ᠵᠣᠬᠢᠬᠤ ᠪᠠᠨ ᠲᠣᠭᠲᠠᠭᠠᠳᠠᠭ᠃ | ᠭᠡᠬᠦ ᠳᠤ ᠪᠠᠨ ᠪᠢᠳᠡ ᠶᠡᠷᠦ ᠶᠢᠨ ᠴᠠᠭ ᠲᠤ ᠪᠠᠨ ᠡᠷᠡᠭᠦᠯ ᠮᠡᠨᠳᠤ ᠠᠮᠢᠳᠤᠷᠠᠯ ᠤᠨ ᠬᠡᠪ ᠵᠠᠩᠰᠢᠯ ᠢ ᠰᠣᠩᠭᠤᠪᠠᠯ ᠡᠨᠡᠬᠦ | ᠡᠪᠡᠳᠴᠢᠨ ᠤ ᠡᠭᠦᠰᠦᠯᠲᠡ ᠵᠢᠴᠢ ᠠᠩᠬᠠᠨ ᠤ ᠱᠠᠲᠤᠨ ᠤ ᠪᠠᠶᠢᠳᠠᠯ ᠠᠴᠠ ᠪᠠᠨ ᠦᠷᠬᠦᠯᠵᠢᠯᠡᠨ ᠬᠦᠨᠳᠦᠷᠡᠬᠦ ᠶᠢ | ᠡᠵᠡᠮᠳᠡᠵᠦ ᠴᠢᠳᠠᠬᠤ ᠨᠢ ᠯᠠᠪᠲᠠᠢ᠃ | |